Árið 1970 vann Ísleifur
IV Ingólfsstöngina.Skipsstjóri var hinn kunni aflamaður Jón Valgarð Guðjónsson
eða Gæsi eins og hann er nefndur hér í bæ.Gæsi byrjaði ungur til sjós með ekki
ómerkari manni en Binna í Gröf á Hilmi 1.júlí 1946.Gæsi byrjaði á síld á
tvílembingi þeim Hilmi og Gullborgu .Gæsi
var með Binna næstu árin á Andvara og Sævari, síðan á Sjöfn með Þorsteini
heitnum Gíslasyni.Gæsi lauk skipsstjórnarprófi 1954.Hann hóf formennsku árið
1955 með Blátind og tók síðan Sæbjörgu,sem Ingólfur Theódórsson gerði út. Um
1960 keypti hann Hafþór Guðjónsson 70 tonna blöðrubát, gerði hann bátinn út og
var með hann í tvö ár,en þetta voru erfið ár hjá útgerðinni og hætti hann
útgerð.Fór hann þá til Villa Fischer á Hringver og síðan til Páls Ingibergssonar
á Reyni.Gæsi tók við Reyni á sumarsíldveiðum árið 1964 rótfiskuðu og voru um
tíma hæsti bátur á þeim veiðum.Skömmu síðar tók hann við Engey og var með hana
þar til hann tók við Ísleifi IV vorið 1967 af Gunnari
Jónsyni.
|