| Stefán Stefánsson frá Gerði er sonur hins kunna aflamanns Stefáns Guðlaugssonar frá Gerði. Má með sanni segja að honum ætli að kippa til kynsins, því að ég held, að á engan sé hallað, þó sagt sé, að Stefán Guðlaugsson í Gerði sé einn sá snjallasti sjósóknari sem Vestmannaeyjar hafi átt. Stefán byrjaði ungur til sjós á sumrum, en stundaði nám á vetrum. Strax að loknu gagnfræðaprófi, innritaðist hann í Verslunarskólann og hætti þegar einn vetur var eftir, og fór í Stýrimannaskólann. Árið 1957 byrjaði Stefán formennsku á Halkion Nýr Halkion kom til landsins árið1960. Stefán varð aflakóngur 1 sinni árið 1962. Stefán var lánsamur í starfi og bjargaði skipshöfnum úr sjávarháska. Stefán starfar við heildverslun í Reykjavík. |