Saga sveitarinnar

Bjsv. Björg var stofnuð 21. Desember 1928 aðeins tæpu ári eftir að Slysavarnafélag Íslands var stofnað og mun þessi sveit vera sú sjötta sem stofnuð var, þá fljótlega fór að bera á miklum áhuga á þessum málum, stofn félagar urðu 116 talsins og voru orðnir 130 í lok ársins 1928, og var þetta fjölmennasta sveitin fyrir utan Reykjavík, degi seinna var stofnuð björgunarsveit á Stokkseyri. Starfssvæði sveitarinnar var Eyrarbakkahreppur og Þorlákshöfn. Fyrstu stjórn skipuðu Þorleifur Guðmundsson formaður, Jón Helgason ritari og Jón Stéfánsson féhirðir. fljótlega komu hingað fluglínutæki og fyrsti björgunarbáturinn, trébátur ásamt vestum, þessi árabátur var lengi vel til hér en því miður vegna húsnæðis skorts og líklega áhugaleysis fyrir varðveyslu hans eyðilagðist hann.

Árið 1962 var fyrsta skoflustungan tekin af húsi sveitarinnar, stórhuga menn, og byggðu þá um 80 fermetra hús, tekið í notkun 1963. Fyrstu bifreiðina eignaðist sveitin 1975 svo kallaðan rússa, 1963 eignaðist sveitin sinn fyrsta vélgúmmbjörgunarbát, 1984 verða tuðrunar tvær og svo hefur það verið síðan, Báðir gúmmíbátarnir voru endurnýjaðir árið 2000. Árið 1987 var nýr bíll af gerðinni Surburban keyptur, þá var húsnæði sveitarinnar orðið of lítið svo ráðist var í 100 fermetra viðbyggingu, um 1992 var svo keyptur annar Surburban og rússin gamli seldur. 1997 var keypt nýtt tæki í sveitina Svifnökkvi sem hefur breytt miklu og sjá menn mikið eftir að vera ekki búnir fyrir löngu að fjárfesta í slíku þarfa tæki, einnig var eldri bifreiðinni skipt út og keyptur Muzzo og 1999 var síðan hinni skipt út fyrir nýjan Surburban. Með þessari tækjaaukning hefur hús sveitarinnar orðið of lítið enn á ný og nú árið 2001 er verið að byggja 100 m² við.

Til að skoða myndirnar betur er hægt að hægt að klikka á þær.

 Víglundur Guðmundsson tók saman birt með fyrir vara um villur og er allar ábendingar vel þegnar.